Super User
Vəkillər Kollegiyasında yeni təyinatlar olub
İyul ayının 10-da Azərbaycan Respublikasının Vəkillər Kollegiyası (ARVK) Rəyasət Heyətinin növbəti iclası keçirilib.
Caspian Energy Media Kollegiyaya istinadla xəbər verir ki, iclasda Rəyasət Heyəti tərəfindən Kollegiya Aparatının baş hüquqşünas-məsləhətçisi Səttar Məmmədovun Baş katibin müavini (Aparat rəhbərinin müavini) təyin edilməsi barədə qərar qəbul olunub. Eyni zamanda Aparatda yeni Qəbul şöbəsi yaradılıb. Qərara əsasən, həmin şöbəyə isə Rəhilə Ağaquliyeva təyin edilib.
Daha sonra iclasda iki vəkilin dövlət qulluğuna qəbul olunması ilə əlaqədar vəkillik fəaliyyətlərinin dayandırılması və onların mükafatlandırılması qərara alınıb.
İlin I yarısında 12,7 mlrd.kubmetr qaz ixrac olunub
Bu ilin I yarısında operativ məlumatlara əsasən, neft-kondensat hasilatı 14,4 mln. ton, ixraca nəql edilən həcmlər isə 11,9 mln. ton olub.
Caspian Energy Media xəbər verir ki, bu barədə energetika naziri Pərviz Şahbazov “X”də bildirb.
Həmçinin bu dövrdə ötən ilin I yarımili ilə müqayisədə 4,3% artımla hasil edilmiş 25,1 mlrd.kubmetr qazın 12,7 mlrd.kubmetri ixrac olunub.
“Yanvar-iyun aylarında təxminən Avropaya 6,4 milyard kubmetr, Türkiyəyə 5 milyard kubmetr, Gürcüstana isə 1,3 milyard kubmetr qaz ixrac olunub. Bu dövrdə TANAP-la Türkiyəyə 2,8 milyard kubmetr qaz nəql edilib. Bu ilin 6 ayı ərzində xaricə qaz satışı ötən ilin müvafiq dövrü ilə müqayisədə təqribən 6 faiz çoxdur”,- deyə nazir əlavə edib.
Azərbaycan nefti bahalaşıb
Dünya bazarında Azərbaycan nefti bahalaşıb.
Caspian Energy Media AZƏRTAC-a istinadlaxəbər verir ki, “Azeri Light” markalı neftin bir barelinin qiyməti 0,95 dollar və ya 1,07 faiz artaraq 89,84 dollar olub.
Dünya birjalarında neft bahalaşıb
Caspian Energy Media AZƏRTAC-a istinadla xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,71 dollar artaraq 85,79 dollar olub.
Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,68 dollar artaraq 82,78 dollar təşkil edib.
I Milli Rəqabət Forumu keçirilir
İqtisadiyyat Nazirliyinin təşəbbüsü ilə ölkəmizdə I Milli Rəqabət Forumu keçirilir.
Bcaspian Energy Media xəbər verir ki, bu barədə İqtisadiyyat Naziri Mikayıl Cabbarov rəsmi “X” hesabında paylaşım edib.
“Məqsədimiz dövlət-özəl tərəfdaşlığını təşviq etməklə biznes mühitinin səmərəli rəqabət prinsipləri əsasında fəaliyyətini müzakirə etmək və potensial imkanları dəyərləndirməkdir. Yeni əməkdaşlıqlar üçün faydalı fürsət olan forumun işinə uğurlar arzulayırıq”,-deyə nazir qeyd edib.
Azərbaycanda yaşıl enerjiyə keçid mövzusunda dəyirmi masa təşkil olunub
Energetika Nazirliyində nazir müavini Orxan Zeynalovun iştirakı ilə Böyük Britaniya və Şimali İrlandiya Birləşmiş Krallığının Enerji Təhlükəsizliyi və Xalis Sıfır İdarəsi arasında “Azərbaycanda yaşıl enerjiyə keçid” mövzusunda dəyirmi masa təşkil olunub.
Caspian Energy Media nazirliyə istinadən xəbər verir ki, dəyirmi masada Azərbaycanda bərpa olunan enerji mənbələri, dekarbonizasiya, enerji səmərəliliyi sahəsində hazırkı vəziyyət, həyata keçirilən cari layihələr barədə qarşı tərəfə məlumat verilib, Azərbaycan və Böyük Britaniya arasında bərpa olunan enerji, xüsusilə yaşıl hidrogen istehsalı, həmçinin enerji səmərəliliyi, elektrik şəbəkələrinin gücləndirilməsi üzrə əməkdaşlığa dair növbəti addımlar müzakirə edilib.
Tədbirdə Energetika Nazirliyi, nazirlik yanında Bərpa Olunan Enerji Mənbələri Dövlət Agentliyi, nazirliyin tabeliyində Enerji Məsələlərini Tənzimləmə Agentliyi, həmçinin “Azərenerji” ASC, “Azərişıq” ASC, SOCAR və bp şirkətlərinin nümayəndələri iştirak edib.
Bursa Ticarət və Sənaye Palatasının nümayəndələri ilə görüş keçirilib
Ölkəmizdə səfərdə olan Türkiyənin Bursa Ticarət və Sənaye Palatasının nümayəndə heyəti və qida sektorunda fəaliyyət göstərən iş adamları ilə Kiçik və Orta Biznesin İnkişafı Agentliyində (KOBİA) görüş keçirilib.
Caspian Energy Media KOBİA-ya istinadən xəbər verir ki, görüşdə Azərbaycan və Türkiyə, o cümlədən Bursa iş adamları arasında biznes və investisiya sahələrində əməkdaşlıq, həmçinin yerli KOB-larla əlaqələrin genişləndirilməsi barədə fikir mübadiləsi aparılıb.
Rusiyada müəyyən növ məhsulların məcburi etiketlənməsi tətbiq ediləcək
Hörmətli sahibkarlar, Rusiya Federasiyasında 2024-cü il sentyabrın 1-dən etibarən müəyyən növ məhsulların, o cümlədən konservlərin, bitki yağlarının və alkoqolsuz pivənin məcburi etiketlənməsi tətbiq ediləcəkdir. Rusiya hökuməti etiketləmə qaydalarını və son tarixləri təsdiqləyib.
Caspian Energy Media AZPROMO-ya istinadla xəbər verir ki, məhsulların dövriyyədən çıxarılması ilə bağlı məlumat 2026-cı il oktyabrın 1-dən verilməlidir.
Azərbaycan-Özbəkistan Hökumətlərarası Komissiyasının 13-cü iclası keçirilib
Caspian Energy Media İqtisadiyyat Nazirliyinə istinadən xəbər verir ki, iqtisadiyyat naziri Mikayıl Cabbarovun rəhbərlik etdiyi nümayəndə heyətinin Özbəkistana səfəri çərçivəsində Azərbaycanla bu ölkə arasında əməkdaşlıq üzrə Birgə Hökumətlərarası Komissiyanın 13-cü iclası keçirilib.
Məlumata görə, Hökumətlərarası Komissiyanın həmsədrləri Mikayıl Cabbarovla Özbəkistanın investisiyalar, sənaye və ticarət naziri Ləziz Kudratov Komissiyanın işgüzar münasibətlərin inkişafı və birgə layihələrin icra edilməsi üçün səmərəli platforma olduğunu vurğulayıblar.
Qeyd olunub ki, ticarət sahəsində əməkdaşlıq Özbəkistanla iqtisadi münasibətlərdə əsas istiqamətlərdəndir.
Азербайджан и Узбекистан провели 13-е заседание межправительственной комиссии
Как сообщает Caspian Energy Media со ссылкой на Министерство экономики,В Бухаре состоялось 13-е заседание совместной межправительственной комиссии по сотрудничеству между Азербайджаном и Узбекистаном.
Сопредседатели комиссии, министр экономики Азербайджана Микаил Джаббаров и министр инвестиций, промышленности и торговли Узбекистана Лазиз Кудратов подчеркнули, что комиссия является эффективной платформой для развития деловых связей и реализации совместных проектов.
Было отмечено, что двустороннее торговое сотрудничество является основным направлением экономических отношений.
