İyulun 24-də UNESCO-nun təşkilatçılığı ilə Fransanın paytaxtı Paris şəhərində idman nazirlərinin "Change the Games" beynəlxalq forumu keçirilib. Paris-2024 Yay Olimpiya Oyunları ərəfəsində baş tutan Forumda proqram üzrə müxtəlif məsələlər müzakirə olunub.

Caspian Energy Media nazirliyə istinadla xəbər verir ki, UNESCO-nun ofisində həmçinin Azərbaycan və Qambiya arasında gənclər və idman sahələrində əməkdaşlıq memorandumu imzalanıb. Sənədi nazir Fərid Qayıbov və Qambiyanın idman və gənclər naziri Bakar Bodji imzalayıblar.

Daha ətraflı

“Falck” MMC-yə Pirallahı Sənaye Parkının rezidenti statusu verilib, bununla da Sənaye Parkının rezidentlərinin sayı 7-yə çatıb.

Caspian Energy Media İZİA-ya istinadla xəbər verir ki, müəssisədə qan depolama və test qablarının istehsalı həyata keçiriləcək. İnvestisiya həcmi 4 milyon manat olan müəssisədə 40 nəfərin daimi işlə təmin edilməsi nəzərdə tutulur.

Müəssisədə istehsal olunan məhsulların daxili bazara satılması ilə yanaşı, ixracı da planlaşdırılır.

İxracın və İnvestisiyaların Təşviqi Agentliyində – AZPROMO-da Qazaxıstanın Azərbaycandakı fövqəladə və səlahiyyətli səfiri Alim Bayelin rəhbərlik etdiyi Qazaxıstan nümayəndə heyəti ilə görüş keçirilib. Görüşdə Qazaxıstan-Azərbaycan İşgüzar Şurasının Azərbaycan tərəfindən həmsədri İbrahim Alısoy və Qazaxıstan tərəfindən yeni təyin olunan həmsədri Dauren Bimov, o cümlədən hər iki ölkədən mebel istehsalı, səhiyyə, hüquq və nəqliyyat-logistika sahələrində fəaliyyət göstərən sahibkarlar iştirak ediblər.

Caspian Energy Media AZPROMO-ya istinadən xəbər verir ki, görüşdə ölkələrimiz arasında ticarət əlaqələrinin genişləndirilməsi, biznes tərəfdaşlığının intensivləşdirilməsinə dair fikir mübadiləsi aparılıb.

Daha ətraflı

Naxçıvan MR Ali Məclisi sədrinin müavini Anar İbrahimovun 23 iyul 2024-cü il tarixli Sərəncamı ilə Muxtar Respublika İqtisadiyyat Nazirliyi yanında Dövlət Vergi Xidmətinin rəisi təyin edilmiş Cavid Kəngərli kollektivə təqdim olunub.

Caspian Energy Media “DVX”yə istinadla xəbər verir ki, tədbirdə iştirak edən Azərbaycan Respublikası Prezidentinin Naxçıvan MR-də səlahiyyətli nümayəndəsi Fuad Nəcəfli və İqtisadiyyat Nazirliyi yanında Dövlət Vergi Xidmətinin rəisi Orxan Nəzərli xidmət rəisini təyinat münasibətilə təbrik ediblər, fəaliyyətində uğurlar arzulayıblar. 

Daha ətraflı

24 iyul ölkənin birinci bankı olan "Kapital Bank"ın yaranması günüdür. Bu münasibətlə “Caspian Energy Club” ailəsi olaraq "Kapital Bank" ailəsini təbrik edirik. Gələcəkdə də ardıcıl inkişaf və böyük nailiyyətlər arzulayırıq!

"Kapital Bank"ın ilk xidmət məntəqəsi 1874-cü ildə Bakıda əmanət kassası kimi yaradılıb. İlk əmanət kassaları Rusiya Dövlət Bankının Bakı şəhər şöbəsinin tərkibində fəaliyyət göstərirdi. Şöbənin icraçı rəhbəri İvan Samsonoviç Xandojevski idi. Uçot Komitəsinin tərkibi isə Hacı Zeynalabdin Tağıyev, Hacı Baba Haşımov, Hacı Şıxəli Dadaşov kimi tanınmış azərbaycanlılarla təmsil olunurdu.

Azərbaycan Demokratik Respublikası elan edildikdən sonra 30 sentyabr 1919-cu ildə Azərbaycanda Dövlət Bankının açılışı oldu, 1 dekabr 1919-cu ildə əmanət kassalarının fəaliyyəti də bərpa edildi. 1920-ci ilin 28 aprelində ADR-in süqutunn ardınca Azərbaycan İnqilab Komitəsinin 9 iyun 1920-ci il tarixli qərarı ilə Rusiya Dövlət Bankının Bakı şöbəsi ləğv edildi. 1924-cü ilin yanvarında Azərbaycanda SSRİ Dövlət Bankının tərkibində fəaliyyət göstərən dövlət əmək əmanət kassaları yaradıldı. 1988-ci ildə həmin kassalar SSRİ Əmanət Bankının Azərbaycan Respublikası Bankına çevrildi.

11 fevral 1992-ci ildə bu bankın bazasında Azərbaycan Respublikasının Əmanət Bankı formalaşdırıldı. 21 fevral 2000-ci ildə isə Əmanət Bankının, Azərbaycan Aqrar-Sənaye Bankının və Azərbaycan Sənaye-İnvestisiya Bankının birləşdirilməsi nəticəsində, Azərbaycan Birləşmiş Universal Səhmdar Bankı (BUSBank) yaradıldı.

Hazırda “Kapital Bank” Azərbaycanda ən böyük xidmət şəbəkəsinə malik maliyyə qurumudur və 5 milyondan çox fiziki və 22 mindən artıq hüquqi şəxslərə xidmət göstərir.

Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf Qazaxıstanın “KazMunayGaz” Milli Şirkətinin İdarə Heyətinin sədri Asxat Xasenov ilə görüşüb.

Caspian Energy Media SOCAR-a istinadən xəbər verir ki,görüşdə tərəflər SOCAR ilə “KazMunayGaz” arasında qarşılıqlı faydalı əməkdaşlıq əlaqələrin genişləndirilməsi istiqamətində görülən işləri nəzərdən keçirib, müxtəlif məsələlər ətrafında fikir mübadiləsi aparıblar.

Daha ətraflı

“Kibrit.Tech”ə aid olan “OrangeLine” Əlaqə Mərkəzini İdarəetmə Sisteminin müştərilərindən biri də artıq Azərbaycan Beynəlxalq Bankıdır.

“Caspian Energy Media”ya şirkət tərəfindən verilən məlumata görə, “OrangeLine”nın Azərbaycan Beynəlxalq Bankına (ABB) göstərdiyi xidmət sayəsində, müştərilərin bankın xidmətləri barədə yaranan suallarla bağlı müraciət etmələri asanlaşır. Nəticədə müştəriyə çevik geri dönüş imkanı, hesab üzrə məlumatların saxlanılması, əldə edilməsi və sosial şəbəkələr vasitəsilə əlaqəyə keçmək imkanı yaranır.

Qeyd edək ki, “Kibrit.Tech” şirkəti fəaliyyətə 2010-cu ildə başlamışdır. Şirkətin əsas fəaliyyəti proqram təminatların yaradılması, binaların və sənaye obyektlərinin avtomatlaşdırılmış idarəetmə sistemlərinin qurulması və dəstəyi və Mobil operatorların abonentləri üçün Əlavə Dəyər Xidmətlərinin yaradılması və göstərilməsinə yönəlib. “Kibrit.Tech” şirkəti Siemens, Sauter və Johnson Controls şirkətlərinin Azərbaycandakı rəsmi tərəfdaşıdır. Əsas məqsəd yalnız göstərilən xidmətlərin keyfiyyətini artırmaq deyil, həm də müştərilərin xərclərini minimuma endirməkdir.

24 июля в столице Франции Париже под эгидой ЮНЕСКО прошел международный форум министров спорта Change the Games.

Как сообщает Caspian Energy Media со ссылкой на Министерство молодежи и спорта, на форуме, состоявшемся накануне летних Олимпийских игр Париж-2024, обсуждались различные вопросы.

Министр молодежи и спорта Азербайджана Фарид Гаибов принял участие в обсуждениях на панельных заседаниях, предоставил информацию о сотрудничестве Азербайджана с ЮНЕСКО и соответствующими органами различных стран, а также о реализуемых проектах.

İyulun 24-də UNESCO-nun təşkilatçılığı ilə Fransanın paytaxtı Paris şəhərində idman nazirlərinin "Change the Games" beynəlxalq forumu keçirilib.

Caspian Energy Media Gənclər və İdman Nazirliyinə istinadən xəbər verir ki, Paris-2024 Yay Olimpya Oyunları ərəfəsində baş tutan Forumda proqram üzrə müxtəlif məsələlər müzakirə olunub.

Azərbaycan Respublikasının gənclər və idman naziri Fərid Qayıbov forumda çıxış edib, panel iclaslarında müzakirələrə qatılıb. Nazir Azərbaycanın UNESCO və müxtəlif ölkələrin müvafiq qurumları ilə əməkdaşlıq məsələləri, həyata keçirilən layihələr barədə məlumat verib.

Ölkənin aparıcı korporativ bankı “PAŞA Bank” nüfuzlu beynəlxalq maliyyə nəşri “Euromoney” tərəfindən “Azərbaycanın ən yaxşı KOS bankı” mükafatına layiq görülüb. Bu barədə “Caspian Energy Media”ya “PAŞA Bank”dan məlumat verilib.

Laureatların siyahısı Londonda keçirilən ənənəvi “Award for Excellence – 2024” mükafatının təltifetmə mərasimində  açıqlanıb.

Beynəlxalq nəşr Bankın fəaliyyətini işıqlandırarkən, onun müştəriləri üçün xidmətlərini genişləndirdiyini, ödəniş təkliflərini yenilədiyini və iş əməliyyatlarının effektivliyinə fokuslandığını vurğulayıb.

“Caspian Energy Club"ın üzvü olan “PAŞA Bank”ın baş icraçı direktoru və İdarə Heyətinin sədri Cavid Quliyevin sözlərinə görə, il ərzində bank KOS müştərilərinin dövriyyə ehtiyaclarının qarşılanması üçün rəqəmsal platformalar vasitəsilə 100 mln. AZN-dən çox girovsuz maliyyə vəsaiti ayırmışdır. Bundan əlavə, ölkədə təchizat zəncirinin maliyyələşməsi istiqamətində ənənəvi təhlillərə ehtiyac olmadan rəqəmsal kanallarla faktorinq məhsulu müştərilərə təqdim edilmişdir. Bankın ticarət maliyyələşdirilməsi portfelindən əldə etdiyi artım 26% təşkil edir. Həmçinin, “PAŞA Bank” əməkhaqqı fondunda 15%, cari hesablar üzrə isə gündəlik ortalama qalıqların məbləği 22% artım göstərmişdir.

Qeyd edək ki, "Euromoney" beynəlxalq nəşri 1967-cı ildən dərc olunur və  təxminən dünyanın 100 ölkəsində fəaliyyət göstərən bankların fəaliyyətlərini qiymətləndirir. Mükafatın təltif edilməsi haqqında qərar il ərzində  müxtəlif ölkələrdə bank sektorunun və maliyyə  təşkilatlarının fəaliyyətinin təhlili əsasında  qəbul edilir.