Caspian Energy Media AZƏRTAC-a istinadən xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,42 dollar artaraq 81,55 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,34 dollar artaraq 77,5 dollar təşkil edib.

Azərbaycanın boks millisi Paris-2024 Yay Olimpiya Oyunlarında mübarizəyə başlayıb. 28 iyul tarixində ilk təmsilçimiz rinqə çıxıb.

Caspian Energy Media Gənclər və İdman nazirliyinə istinadən xəbər verir ki, 92 kq çəkidə çıxış edən Alfonso Dominqes ilk döyüşünü keçirib. Tokio-2020-nin bürünc mükafatçısı yarışa 1/8 finaldan başlayıb. Xulio Sesar la Krusla (Kuba) qarşılaşan idmançımız inamlı qələbə qazanıb. O, ikiqat Olimpiya çempionunu məğlub edib.

Dominqes 1/4 finalda qazaxıstanlı Aybek Oralbayla üz-üzə gələcək. Görüş avqustun 1-də olacaq.

Daha ətraflı

Kənd Təsərrüfatı Nazirliyinin və Azərbaycan Arıçılar Assosiasiyasının birgə təşkilatçılığı ilə arıçılıq məhsullarının 24-cü Respublika Sərgi-Satış Yarmarkası keçiriləcək. Yarmarka 09-29 sentyabr tarixlərində Nərimanov rayonu, Fətəli xan Xoyski küçəsi, 5 ünvanında (“Gənclik” metro stansiyasının yaxınlığı) təşkil ediləcək.

Yarmarkada iştirak etmək istəyən arıçılar 29 iyul saat 08:00-dan 02 avqust saat 20:00-dək onlayn qaydada qeydiyyatdan keçməlidirlər. Bunun üçün fermerlər bal.kendden.az saytına daxil olaraq müvafiq xanalar üzrə şəxsi və təsərrüfatları barədə məlumatları qeyd etməlidirlər. İştirakı təsdiqlənmiş arıçılara SMS-bildirişlər göndəriləcək, onlara məhsullarını gətirməli olduqları tarix barədə məlumat veriləcək.

Daha ətraflı

Milli Hidrometeorologiya Xidmətinin iyulun 29-u saat 8:30-a olan məlumatına əsasən ölkə ərazisində qeyri-sabit hava şəraiti davam edib, bəzi yerlərdə arabir leysan xarakterli yağış yağıb, şimşək çaxıb. Ayrı-ayrı yerlərdə yağıntılar intensiv və güclü olub.

Caspian Energy Media, Milli Hidrometeorologiya Xidmətinə istinadən xəbər verir ki, düşən yağıntının miqdarı Lənkəranda 68 mm, Astarada 59 mm, Şəkidə 57 mm, Bakıda və Abşeron yarımadasında isə 1 mm-dək olub.

Neft Daşları stansiyasının məlumatına əsasən dalğanın hündürlüyü 3.8 metrə çatıb.

Ölkə ərazisində müşahidə olunan yağıntılı hava şəraitinin iyulun 29-u axşamdək davam edəcəyi, iyulun 30-da dəyişkən buludlu, əsasən yağmursuz keçəcəyi gözlənilir.

Daha ətraflı

27-28 iyul tarixlərində Kənd Təsərrüfatı Nazirliyinin təşkilatçılığı ilə paytaxtda “Kənddən Şəhərə” həftəsonu yarmarkası keçiriləcək.

Caspian Energy Media Kənd Təsərrüfatı Nazirliyinə istinadən xəbər verir ki, yarmarkanın təşkilində əsas məqsəd yerli fermerlərin məhsullarının bazara çıxışını dəstəkləmək, onları alternativ satış nöqtələri ilə təmin etmək, eyni zamanda şəhər sakinlərinin təbii, yerli və sağlam kənd məhsullarına əlçatanlığını artırmaqdır.

Yarmarka 2 gün müddətində 9:00-dan 19:00-dək Nərimanov rayonu, Fətəli xan Xoyski küçəsi, 5 (“Gənclik” metro stansiyasının yanı) ünvanında təşkil olunacaq.

Daha ətraflı

Azərbaycan sahibkarlarının Birləşmiş Ərəb Əmirliklərində təsis etdiyi “Green Capital Management” şirkəti və Qətərin “Al Baladi Holding”i arasında Kiçik və Orta Biznesin İnkişafı Agentliyinin (KOBİA) dəstəyi ilə strateji tərəfdaşlıq haqqında Saziş imzalanıb. 

Caspian Energy Media KOBİA-ya istinadən xəbər verir ki, Bakıda keçirilən "Qətər bütün dünya üçün" adlı tədbir çərçivəsində imzalanmış sənəd Azərbaycanda Qətər franşizalarının yaradılmasını, o cümlədən iki ölkənin işgüzar dairələri arasında ticarət əlaqələrinin genişləndirilməsini, potensial əməkdaşlıq imkanlarının inkişaf etdirilməsini, investisiya qoyuluşunu, qarşılıqlı layihələrin təşviqini nəzərdə tutur.

Daha ətraflı

İyulun 26-da Qırğız Respublikasının Prezidenti Sadır Japarov Parisə işgüzar səfəri çərçivəsində Qırğız Respublikasının Fransa Respublikasındakı səfirliyinin binasında olub.

Səfər zamanı Prezident Sadır Japarov bina ilə tanış olub, fəxri qonaqlar kitabına ürək sözlərini yazıb.

Bu barədə Caspian Energy Media Qırğızıstan prezidentinin rəsmi saytına istinadən xəbər verir.

Daha ətraflı

Президент Кыргызской Республики Садыр Жапаров сегодня, 26 июля, в рамках рабочего визита в г. Париж посетил здание Посольства Кыргызской Республики во Французской Республике.

Во время посещения Президент Садыр Жапаров осмотрел здание и оставил памятную запись в книге почетных гостей с наилучшими пожеланиями.

Об этом сообщает Caspian Energy Media со ссылкой на Официальный сайт Президента Республики Кыргызстан.

Подробнее 

Azərbaycan Respublikasının Qida Təhlükəsizliyi Agentliyi Ümumdünya Heyvan Sağlamlığı Təşkilatından daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirir.

Ümumdünya Heyvan Sağlamlığı Təşkilatının (WOAH) rəsmi məlumatlarına əsasən, Nigeriya Federativ Respublikasının Kano, Niger, Nasarava, Kaduna, Qombe, Bauçi, Plato, Laqos, Edo, Bayelsa, Delta, həmçinin ölkə ərazisinin digər ştatlarında qeydə alınmış yüksək patogen quş qripi xəstəliyi aradan qaldırılıb. Belə ki, qeyd olunan inzibati ərazi vahidlərində WOAH-nin “Quruda yaşayan heyvanların sağlamlıq Məcəlləsi”nə əsasən, bu xəstəliyin ləğv edilməsindən sonra gözləmə müddəti başa çatıb və epizootik sağlamlıq statusu bərpa olunub.

Caspian Energy Media AQTA-ya istinadla xəbər verir ki, bununla əlaqədar, respublika ərazisinin həmin yoluxucu xəstəlikdən qorunması məqsədilə adıçəkilən ərazilərə tətbiq edilmiş məhdudiyyətlər aradan qaldırılıb. Eyni zamanda müvafiq tədbirlərin görülməsi üçün Azərbaycan Respublikasının Dövlət Gömrük Komitəsinə müraciət olunub.

İyulun 26-da Azərbaycan Respublikasının mədəniyyət naziri Adil Kərimli Azərbaycan və Serbiya arasında ticarət və iqtisadi əməkdaşlıq üzrə Hökumətlərarası Komissiyanın 8-ci iclası ilə əlaqədar ölkəmizdə səfərdə olan Serbiyanın mədəniyyət naziri, Hökumətlərarası Komissiyanın Serbiya tərəfindən həmsədri Nikola Selakoviçlə görüşüb..

Caspian Energy Media mədəniyyət nazirliyinə istinadla xəbər verir ki, söhbət zamanı mədəniyyətin müxtəlif sahələri üzrə geniş əməkdaşlıq formatı müzakirə edilib. Həmçinin bu ilin noyabr ayında ölkəmizdə keçiriləcək BMT-nin İqlim Dəyişmələri üzrə Çərçivə Konvensiyası Tərəflər Konfransının 29-cu sessiyası (COP29) çərçivəsində iqlim dəyişikliyinin mədəniyyət sahəsinə təsiri, habelə ətraf mühitin qorunmasında mədəniyyətin rolu məsələləri ilə bağlı müzakirələr aparılacağı diqqətə çatdırılıb.

Daha ətraflı