COP29 çərçivəsində bp şirkətinin hasilat və əməliyyatlar üzrə icraçı vitse-prezidenti ilə görüşdə enerji keçidi sahəsində birgə fəaliyyətin möhkəmləndirilməsi müzakirə olunub.

İqtisadiyyat naziri Mikayıl Cabbarov COP29 çərçivəsində bp şirkətinin hasilat və əməliyyatlar üzrə icraçı vitse-prezidenti Qordon Birrel ilə görüşüb.

Görüşdə bildirilib ki, Azərbaycan iqlim dəyişmələrinə qarşı mübarizə çərçivəsində enerji keçidi üzrə beynəlxalq əməkdaşlığın gücləndirilməsində maraqlıdır. Bu baxımdan, bp şirkəti ilə enerji keçidi, o cümlədən, günəş enerjisi layihəsi üzrə tərəfdaşlığın önəmi diqqətə çatdırılıb. Qeyd olunub ki, şirkət Azərbaycanın müəllifi olduğu beynəlxalq enerji layihələrinin icrasında, ölkəmizin enerji ehtiyatlarının inkişafında və investisiya layihələrinin həyata keçirilməsində mühüm rol oynayır.

Tərəflər ölkəmizin fəal iştirakı ilə reallaşan yaşıl enerji layihələri, enerji transformasiyası sahəsində birgə fəaliyyətin möhkəmləndirilməsi imkanları və digər məsələlər barədə fikir mübadiləsi aparıblar.

“Caspian Energy Media” bu barədə İqtisadiyyat nazirliyinə istinadən xəbər verir.

COP29 çərçivəsində Avropa Komissiyasının qonşuluq və genişlənmə danışıqları üzrə baş direktoru ilə keçirilən görüşdə iqtisadi və investisiya sahələri üzrə potensial əməkdaşlıq imkanları müzakirə edilib.

İqtisadiyyat naziri Mikayıl Cabbarov COP29 çərçivəsində Avropa Komissiyasının qonşuluq və genişlənmə danışıqları üzrə baş direktoru Gert Yan Koopmanla görüşüb.

Görüşdə Aİ-Azərbaycan əməkdaşlığının inkişafı və regional tərəfdaşlıq haqqında müzakirələr aparılıb. Azərbaycanın qlobal çağırışlara töhfələri, yaşıl gündəliyin təşviqi ilə bağlı atılan addımlar nəzərdən keçirilib. Dayanıqlı inkişafın təmin edilməsi istiqamətində həyata keçirilən iqtisadi islahatlar, regional layihələrin əhəmiyyəti və qlobal tərəfdaşlığın prioritetləri müzakirə edilib. İqtisadi və investisiya sahələri üzrə potensial əməkdaşlıq imkanları istiqamətində fikir mübadiləsi aparılıb.

“Caspian Energy Media” bu barədə İqtisadiyyat nazirliyinə istinadən xəbər verir.

COP29 çərçivəsində Azərbaycanda İqtisadi Əməkdaşlıq Təşkilatı (İƏT) və BMT-nin Sənaye İnkişafı Təşkilatı (UNIDO) ilə birlikdə İƏT regionu üçün Təmiz Enerji Mərkəzi (CECECO) yaradılıb.

Energetika naziri Pərviz Şahbazov deyib: “Bu gün COP29 çərçivəsində Bakıda ECO-UNIDO Təmiz Enerji Mərkəzinin təsis edilməsinə şahidlik edirik. Bu, yalnız Azərbaycan üçün deyil, İƏT-in bütün üzv dövlətləri üçün strateji əhəmiyyət kəsb edən bir təşəbbüsdür. Mərkəzin fəaliyyətə başlaması Azərbaycanın və İƏT ölkələrinin enerji sahəsindəki liderlik səylərini daha da gücləndirəcək, regional əməkdaşlığı təşviq edəcək və bərpa olunan enerji mənbələrinə keçidi sürətləndirəcək.

Bu barədə “Caspian Energy Media” Energetika Nazirliyinə istinadən xəbər verir.

“SOCAR Green” və “Holcim Azerbaijan” Azərbaycanda sənaye əməliyyatlarının ətraf mühitə təsirini azaltmağa yönəlmiş bərpaolunan enerji həllərini inkişaf etdirmək üçün Anlaşma Memorandumu imzalayıb. Bu tərəfdaşlıq bərpaolunan enerji və innovativ davamlı texnologiyalar vasitəsilə “Holcim”in istehsal prosesinin dekarbonizasiyasını hədəfləyir və hər iki şirkətin davamlı sənaye təcrübələrinin təşviqinə, ətraf mühitə təsirin azaldılmasına sadiqliyini əks etdirir.

Bu sənəd “Holcim”in 2050-ci il üçün qlobal xalis sıfır öhdəliyini dəstəkləyərək, bərpaolunan enerji imkanlarını araşdırmaq üçün çərçivə yaradır. Bu iddialı məqsədlərə çatmaq üçün “Holcim” alternativ yanacaq istifadəsi, dövri iqtisadiyyat təcrübələri, innovativ karbonun tutulması, istifadəsi və saxlanılması texnologiyaları daxil olmaqla, sənaye sahəsində qabaqcıl tədbirlər həyata keçirir.

Rəqəmsal inkişaf və nəqliyyat naziri Rəşad Nəbiyev ölkəmizdə səfərdə olan CISCO-nun baş vitse-prezidenti Meri De Vısotski ilə görüşüb.

Görüşdə informasiya texnologiyalarının müxtəlif sahələrində, o cümlədən süni intellekt istiqamətində əməkdaşlıq imkanları müzakirə olunub.

Eyni zamanda şirkətlə birgə təlimlərin təşkili və ölkəmizdə regional mərkəzin yaradılması məsələləri nəzərdən keçirilib.

Bu barədə “Caspian Energy Media” Rəqəmsal inkişaf və nəqliyyat nazirliyinə istinadən xəbər verir.

Министр цифрового развития и транспорта Рашад Набиев встретился с находящейся с визитом в нашей стране старшим вице-президентом CISCO Мэри Де Высоцкой.

На встрече обсуждались возможности сотрудничества в различных областях информационных технологий, в том числе искусственного интеллекта.

В то же время рассматривались вопросы организации совместных тренингов с компанией и создания регионального центра в нашей стране.

Об этом сообщает «Caspian Energy Media» со ссылкой на Министерство цифрового развития и транспорта.​​

Министр цифрового развития и транспорта Рашад Набиев встретился с находящейся с визитом в нашей стране министром международного сотрудничества Арабской Республики Египет Ранией Аль-Машат.

На встрече были обсуждены вопросы расширения сотрудничества между двумя странами в соответствующих областях, реализации совместных проектов и вовлечения египетской стороны в перевозки по «Срединному коридору».

Также были обсуждены дальнейшие шаги в рамках Совместной комиссии по экономическому, научно-техническому и культурному сотрудничеству между Азербайджаном и Египтом, в том числе состоялся обмен мнениями о сотрудничестве между деловыми кругами.

Об этом сообщает «Caspian Energy Media» со ссылкой на Министерство цифрового развития и транспорта.​​

Rəqəmsal inkişaf və nəqliyyat naziri Rəşad Nəbiyev ölkəmizdə səfərdə olan Misir Ərəb Respublikasının planlaşdırma, iqtisadi inkişaf və beynəlxalq əməkdaşlıq naziri Rania Al-Maşatla görüşüb.

Görüşdə iki ölkə arasında müvafiq sahələrdə əməkdaşlığın genişləndirilməsi, birgə layihələrin həyata keçirilməsi və Misir tərəfinin Orta Dəhlizlə daşımalara cəlb olunması məsələləri müzakirə olunub.

Həmçinin Azərbaycan və Misir arasında Hökumətlərarası iqtisadi, texniki və elmi əməkdaşlıq üzrə Müştərək Komissiya çərçivəsində növbəti addımlar, o cümlədən biznes dairələri arasında əməkdaşlığa dair fikir mübadiləsi aparılıb.

Bu barədə “Caspian Energy Media” Rəqəmsal inkişaf və nəqliyyat nazirliyinə istinadən xəbər verir.

12 noyabr 2024-cü il tarixində COP29 çərçivəsində Azərbaycan Respublikası Dövlət Neft Şirkəti (SOCAR) ilə İtaliyanın “İtalgas” şirkəti arasında əməkdaşlığa dair Saziş imzalanıb.

Sazişi SOCAR-ın vitse-prezidenti Elşad Nəsirov və “İtalgas” şirkətinin baş icraçı direktoru Paolo Gallo imzalayıblar.

Şirkətlər enerji keçidini və rəqəmsallaşmanı sürətləndirmək məqsədilə qabaqcıl təcrübə və texnologiyaların mübadiləsi, habelə “Picarro” texnologiyasından istifadə edərək qaz sızmasının aşkarlanması vasitəsilə infrastrukturun dekarbonizasiyası, həmçinin mövcud çevik metodologiya vasitəsilə prosesin rəqəmsallaşdırılması istiqamətlərində əməkdaşlıq edəcəklər.

Sənəd tərəflər arasında qaz paylama sahəsində innovasiya, səmərəlilik və davamlılığı təşviq etməyə yönəlmiş strateji tərəfdaşlığın möhkəmləndirilməsinə xidmət edir.

Bu barədə “Caspian Energy Media” SOCAR-a istinadən xəbər verir.

Azərbaycanda enerji səmərəliliyini və davamlılığını inkişaf etdirmək məqsədilə Azərbaycan Respublikası Dövlət Neft Şirkəti (SOCAR) və Almaniyanın “Uniper” şirkəti tərəfindən 2016-cı ildə təsis edilən “SOCAR-Uniper” birgə müəssisəsi ötən müddətdə mühüm nailiyyətlər əldə edib.

SOCAR-ın Sumqayıtdakı Etilen-polietilen zavodunda Buxar Generator Kompleksinin modernləşdirilməsi sahəsində əməkdaşlıq məqsədilə yaradılan birgə müəssisə “Uniper” şirkətinin qabaqcıl enerji həllərindən istifadə etməklə təbii qaza əhəmiyyətli qənaət edilməsinə və emissiyaların azaldılmasına nail olur.

Belə ki, həyata keçirilən tədbirlər nəticəsində Buxar Generator Kompleksinin enerji istehsalı gücü 8-10 MVt-dan 65 MVt-a çatdırılıb, illik 3,1 milyon kubmetr təbii qaza qənaət olunması, illik 6,600 ton karbon (CO2) və 7,8 ton NOx emissiyalarının, hər il atmosferə buraxılan 160.000 ton buxarın azaldılması təmin edilib. Həmçinin buxar qazanının gücü 450 ton/saata yüksələrək layihə gücünün 93%-nə çatdırılıb, 68% ümumi enerji səmərəliliyinə nail olunub.

Azərbaycanın enerji infrastrukturunun modernləşdirilməsi istiqamətində atılmış önəmli addımlardan olan bu əməkdaşlıq hər iki şirkətin ekoloji məsuliyyətə və resursların optimallaşdırılmasına sadiqliyini əks etdirir.

Bu barədə “Caspian Energy Media” SOCAR-a istinadən xəbər verir.