Özbəkistan Respublikasının Prezidenti Şavkat Mirziyoyev iyunun 28-də Türkiyənin "Cengiz Holding" və "Kalyon Holding" şirkətlərinin sədrləri Mehmet Cengiz və Cemal Kalyoncunun başçılıq etdiyi nümayəndə heyətini qəbul edib.
Caspian Energy Media Özbəkistan Prezidentinin rəsmi internet saytına istinadən xəbər verir ki, görüşdə qarşılıqlı faydalı əməkdaşlığın daha da genişləndirilməsi, o cümlədən ölkələrin iqtisadi sahələrinin inkişafı və modernləşdirilməsi üzrə birgə layihələrin həyata keçirilməsi məsələlərinə baxılıb.
