İyulun 2-də gənclər və idman naziri Fərid Qayıbov ötən ay ərzində qitə və dünya çempionatlarında, nüfuzlu beynəlxalq yarışlarda ölkəmizi uğurla təmsil etmiş Azərbaycan idmançıları və onların məşqçiləri ilə görüşüb.

Caspian Energy Media gənclər və idman nazirliyinə istinadən xəbər verir ki, görüş Milli Gimnastika Arenasında təşkil edilib.

Daha ətraflı

Начала функционировать аккредитационная платформа Рамочной конвенции ООН об изменении климата (UNFCCC) для аккредитации представителей медиа на СОР29.

Как сообщает Caspian Energy Media, со 2 июля представители медиа всего мира смогут обратиться через портал в Секретариат UNFCCC для получения аккредитации.

Подробнее

3 июля в Астане состоялась встреча Президента Азербайджанской Республики Ильхама Алиева с Президентом Российской Федерации Владимиром Путиным. Об этом сообщает Caspian Energy Media со ссылкой на president.az.

3 июля по приглашению Президента Республики Казахстан Касым-Жомарта Токаева в статусе председателя Шанхайской организации сотрудничества (ШОС) Президент Азербайджанской Республики Ильхам Алиев прибыл с визитом в Астану для участия в Саммите ШОС.Об этом сообщает Caspian Energy Media со ссылкой на president.az.

Подробнее

AVRO-2024-ün son 16 turunda Türkiyənin Avstriya ilə oyununda qələbə sevinci zamanı "boz qurd salamı" kimi tanınan barmaqları ilə "qurd" jestini edən Meril Dəmirala qarşı UEFA araşdırma başlayıb.

Caspian Energy Media “euronews”ə istinadən xəbər verir ki, İngiltərənin "The Sun" qəzeti çərşənbə günü dərc olunan hesabatda Avropa futbolunun idarəedici və nəzarət orqanı olan Avropa Futbol Assosiasiyaları İttifaqının (UEFA) türk milli futbolçusu Merih Dəmirala qarşı "uyğun olmayan davranış" iddiası ilə araşdırma başlatdığını bildirib.

Seyfəlpaşa Əliyev Ədliyyə nazirinin müşaviri vəzifəsinə təyin edilib.

Caspian Energy Media "Report"a istinadən xəbər verir ki, ədliyyə naziri Fərid Əhmədov bununla bağlı müvafiq əmr imzalayıb.

Qeyd edək ki, Seyfəlpaşa Əliyev 1992-ci ildə anadan olub. O, Bakı Dövlət Universitetinin Hüquq fakültəsində hüquqşünaslıq ixtisası üzrə bakalavr və kommersiya hüququ ixtisası üzrə magistr dərəcələrini fərqlənmə diplomu ilə bitirib. 2024-cü ildə Böyük Britaniya hökumətinin nüfuzlu Çivninq (Chevening) Təqaüd Proqramı çərçivəsində Kembric Universitetinin hüquq üzrə magistr proqramında təhsil alıb.

Əmək fəaliyyətinə 2015-ci ildə Azərbaycan Prezidenti yanında Dövlət Qulluğu Məsələləri üzrə Komissiyanın Hüquq şöbəsində aparıcı məsləhətçi olaraq başlayıb.

S.Əliyev 2016-2020-ci illərdə Məhkəmə Hüquq Şurasının Aparatında, Aparatın Korrupsiyaya qarşı mübarizə və məhkəmə monitorinqi sektorunda müxtəlif vəzifələrdə, 2020-ci ildən bu vəzifəyə təyin olunanadək isə həmin sektorun müdiri vəzifəsində çalışıb.

O, həmçinin 2018-2022-ci illərdə Bakı Dövlət Universitetinin Hüquq fakültəsində və Azərbaycan Dövlət İqtisad Universitetinin Biznes məktəbində pedaqoji fəaliyyətlə məşğul olub.

Vidadi Məmmədov Ədliyyə Nazirliyinin İcra xidmətinin rəisi vəzifəsinə təyin edilib.

Caspian Energy Media "Report"a istinadən xəbər verir ki, ədliyyə naziri Fərid Əhmədov bununla bağlı əmr imzalayıb.

Qeyd edək ki, Vidadi Məmmədov 1974-cü ildə anadan olub. 1997-ci ildə Türkiyənin Dokuz Eylül Universitetini hüquqşünaslıq ixtisası üzrə bakalavr, 2004-cü ildə Azərbaycan Universitetini hüquqşünaslıq ixtisası üzrə magistr dərəcələri ilə bitirib.

Əmək fəaliyyətinə 1998-ci ildə Şəki Rayon Mərkəzi Xəstəxanasının Birləşmiş uşaq xəstəxanasında hüquqşünas kimi başlayan V.Məmmədov 2001-2003-cü illərdə Ədliyyə Nazirliyinin İcra xidmətində, 2003-2007-ci illərdə isə Qeydiyyat və notariat baş idarəsində müxtəlif vəzifələrdə fəaliyyət göstərib.

O, 2007-ci ildən Bakı şəhər Nizami rayon məhkəməsində hakim, 2010-cu ildən 2022-ci ilədək isə Bakı Apellyasiya Məhkəməsində hakim və İnzibati-İqtisadi Kollegiyanın sədri vəzifələrində işləyib.

V.Məmmədov 2022-ci ildən bu vəzifəyə təyin olunanadək Ali Məhkəmənin Mülki Kollegiyasının hakimi vəzifəsində çalışıb.

Azərbaycan Prezidentinin 11 fevral 2023-cü il tarixli Sərəncamı ilə “Tərəqqi” medalı ilə təltif edilib.

“29 İqlim Söhbəti: COP29-a gedən yol” təşəbbüsü çərçivəsində BMT-nin Azərbaycandakı nümayəndəliyi və “PwC Azərbaycan” şirkəti “Dayanıqlı inkişaf naminə dövlət-özəl tərəfdaşlığı” mövzusunda ikigünlük ekoloji, sosial və idarəetmə (ESG) sammiti təşkil edib.

Caspian Energy Media “Report”-a istinadən xəbər verir ki, sammit iki gün davam edəcək.

Azərbaycanın ekologiya və təbii sərvətlər naziri, COP29-un prezidenti Muxtar Babayev sammit iştirakçılarına videomüraciət edib.

Nazir vurğulayıb ki, COP29-a sədrlik bizə bütün tərəflər üçün vacib olan digər məsələlərə diqqət yetirməyə imkan verəcək: “Bunlara biomüxtəliflik, dayanıqlı kənd təsərrüfatı, su ehtiyatları, elm, texnologiya və innovasiya, davamlı urbanizasiya və s. məsələlər daxildir”.

2024-cü ilin iyun ayında Bakı metropolitenindən 18 milyon 105 min 185, o cümlədən 518 min 603 güzəştli sərnişin istifadə edib. Orta statistik hesabla gün ərzində metropolitenə 603 min 506 sərnişin daxil olub.

Caspian Energy Media “Bakı Metropoliteni”nə istinadla xəbər verir ki, postpandemiya dövründə ilk dəfə tarixi nailiyyət qeydə alınıb. Metropoliten tarixində ən rekord sayda sərnişin daşınmış 2019-cu ilin bir aylıq göstəricisindən daha çox sərnişin daşınıb. İlin 6-cı ayının daşıma göstəriciləri əvvəlki illərin eyni ayları ilə müqayisədə də kifayət qədər çoxdur: 2022-ci ildən 2.3 % və 2023-cü ildən 15 % çox.

Daha ətraflı

İyulun 3-də Qazaxıstanın paytaxtı Astanada Şanxay Əməkdaşlıq Təşkilatına (ŞƏT) üzv ölkələrin Zirvə görüşü işə başlayır.

Caspian Energy Media AZƏRTAC-a istinadən xəbər verir ki, “ŞƏT+” formatında keçiriləcək Sammitə 16 ölkənin dövlət və hökumət başçıları qatılıblar. Bu nüfuzlu təşkilatın Zirvə görüşündə Azərbaycan Respublikasının Prezidenti İlham Əliyev də iştirak edəcək. Azərbaycanın belə mötəbər təşkilatın Sammitinə ikinci dəfə dəvət olunması ölkəmizin, xüsusilə Prezident İlham Əliyevin dünya miqyasında nüfuzunun və dövlətimizin başçısına göstərilən yüksək ehtiramın ifadəsidir. Xatırladaq ki, dövlətimizin başçısı Şanxay Əməkdaşlıq Təşkilatının 2022-ci ilin sentyabrında Özbəkistanın Səmərqənd şəhərində keçirilmiş Zirvə görüşündə də iştirak edib.

Daha ətraflı