Qazaxıstan Prezidenti Kasım-Jomart Tokayev Səudiyyə Ərəbistanının Vəliəhd Şahzadəsi Məhəmməd bin Salman bin Əbdüləziz Əl Səud ilə Ər-Riyadda görüş keçirdi.

Görüş zamanı enerji, neft-qaz sənayesi, nəqliyyat və logistika sahələrində ticarət-iqtisadi və investisiya əməkdaşlığı məsələləri müzakirə olundu.

Tərəflər həmçinin regional və beynəlxalq məsələlərlə bağlı aktual mövzular ətrafında fikir mübadiləsi apardılar.

Bu barədə "Caspian Energy Media" Qazaxıstan Respublikası Prezidentinin rəsmi saytına istinadən xəbər verir.