SOCAR-ın törəmə müəssisəsi "SOCAR Downstream Management" MMC (SDM) və "Axial FANS INT s.r.l" şirkəti (AFI) SOCAR-ın emal obyektlərində soyutma rejiminin təkmilləşdirilməsi və enerji istehlakının azaldılması məqsədilə yüksək effektivliyə malik UNIQUE ventilyatorların quraşdırılması üçün birgə texniki-iqtisadi əsaslandırmanın aparılmasına dair qarşılıqlı anlaşma memorandumunun imzalandığını məmnuniyyətlə elan edir.
Uğurlu əməkdaşlıq və UNIQUE ventilyator sistemlərinin quraşdırılması sayəsində elektrik enerjisinə qənaət olunacağı, soyutma rejiminin yaxşılaşacağı və nəticə etibarilə sənaye prosesinin səmərəliliyi və məhsuldarlığının ümumilikdə yüksələcəyi, eləcə də etibarlılığın artacağı və texniki xidmət tezliyinin azalacağı gözlənilir.
Bu barədə “Caspian Energy Media” "SOCAR Downstream Management"-ə istinadən xəbər verir.
