Vyetnam Sahibkarlıq Milli Assosiasiyasının (VINEN) nümayəndələri və 20-yə yaxın iş adamı ölkəmizdə səfərdədir. Kiçik və Orta Biznesin İnkişafı Agentliyi (KOBİA) və VINEN arasında imzalanmış Anlaşma Memorandumu çərçivəsində Azərbaycan və Vyetnam sahibkarları arasında əməkdaşlığın genişləndirilməsi, ticarət və investisiya sahəsində əlaqələrin inkişafına dəstək məqsədilə "Bakı KOB evi"ndə görüş keçirilib.
Caspian Energy Media KOBİA-ya istinadla xəbər verir ki, görüşdə Vyetnam və Azərbaycan iş adamları, eləcə də yerli biznes assosiasiyaların nümayəndələri iştirak ediblər. Azərbaycan və Vyetnamın təşkilatları və şirkətləri arasında sənədlər imzalanıb.
