Qırğızıstanlı Jolaman Şarşenbekov Parisdə keçirilən Olimpiya Oyunlarında bürünc medal qazanıb.
O, yunan-Roma güləşi üzrə turnirdə 60 kq çəki dərəcəsində mübarizə aparıb.
İlk döyüşdə qazaxıstanlı Aydos Sultanqalini məğlub edən Şarşenbekov daha sonra rumıniyalı Razvan Arnauta qalib gələrək yarımfinala yüksəlib.
Caspian Energy Media “Paris2024”ün rəsmi saytına istinadla xəbər verir ki, yarımfinal görüşündə qırğızıstanlı yaponiyalı Keniçiro Fumitaya gərgin mübarizədə məğlub olsa da, bürünc medal şansını qoruyub.
3-cü yer uğrunda mübarizədə Şarşenbekov iranlı Mehdi Möhsünnejada qarşı döyüşüb və 3:1 hesabı ilə qalib gələrək 2024-cü ildə Parisdə keçiriləcək Olimpiya Oyunlarının bürünc mükafatçısı olub.
Bu medal Qırğızıstan komandası üçün Fransada keçirilən Oyunlarda ilk, tarixdə isə səkkizinci medal olub.
