Azərbaycanın İqtisadiyyat Nazirliyi, Pakistanın Ticarət Nazirliyinin dəstəyi, İxracın və İnvestisiyaların Təşviqi Agentliyi – AZPROMO və Pakistanın Ticarətin İnkişafı İdarəsinin birgə təşkilatçılığı ilə Bakıda Azərbaycan - Pakistan biznes forumu keçirilib. Tədbirdə hər iki tərəfdən rəsmi şəxslərlə yanaşı, əczaçılıq, tekstil, sənaye və digər sahələrdə fəaliyyət göstərən 90-a yaxın sahibkar iştirak edib.
“Caspian Energy Media” bu barədə İqtisadiyyat nazirliyinə istinadən xəbər verir.
Biznes forumunda iki ölkənin rəsmiləri və müxtəlif sektorları təmsil edən sahibkarlar arasında iqtisadi və ticarət əlaqələrinin genişləndirilməsi barədə müzakirələr aparılıb.
