Bakıda Azərbaycan-Tacikistan biznes forumu çərçivəsində “Azərbaycan İnvestisiya Şirkəti” ASC və “TALCO” ASC arasında Anlaşma Memorandumu imzalanıb.

Caspian Energy Media “Azərbaycan İnvestisiya Şirkəti”nin mətbuat xidmətinə istinadən xəbər verir ki, Anlaşma Memorandumu Tacikistan Respublikasının “TALCO” alüminium zavodunun istehsal gücünün artırılması ilə əlaqədar investisiya imkanlarının və iqtisadi səmərəliliyinin araşdırılması məqsədi daşıyır.

Layihə çərçivəsində Azərbaycan idxalçılarının ilkin alüminiumu daha sərfəli şərtlərlə əldə etməsi məqsədilə “TALCO" ASC zavoduna investisiya yatırılması imkanları nəzərdən keçiriləcək.

Caspian Energy Media Sahibkarlığın İnkişafı Fonduna istinadən xəbər verir ki, Bakıda təşkil edilən Azərbaycan-Tacikistan biznes forumu çərçivəsində İqtisadiyyat Nazirliyinin Sahibkarlığın İnkişafı Fondu və Tacikistanın Dövlət Unitar Sənaye və İxrac Bankı "Sanoatsodirotbonk" arasında əməkdaşlıq memorandumu imzalanıb.

Memorandumda qurumlar arasında birgə əməkdaşlığın təmin edilməsi, eləcə də dəstək mexanizmlərinin həyata keçirilməsi və idarə edilməsində təcrübə mübadiləsi nəzərdə tutulub.

Azərbaycanda fəaliyyət göstərən və dünyaca məşhur “Coca-Cola” şirkətinin sərinləşdirici içki məhsullarını istehsal edən “Azerbaijan Coca-Cola Bottlers” MMC-nin yeni investisiya planlarına uyğun olaraq, qurumun ölkədə ikinci istehsal müəssisəsinin təməlqoyma mərasimi keçirilib. Caspian Energy Media dövlət vergi xidmətinə istinadən xəbər verir ki, yeni istehsal müəssisəsinin təməlqoyma mərasimi İsmayıllı rayonunda keçirilib.

Tədbirdə Azərbaycan Respublikasının iqtisadiyyat naziri Mikayıl Cabbarov, İsmayıllı Rayon İcra Hakimiyyətinin başçısı Nahid Bağırov və “Azerbaijan Coca-Cola Bottlers” MMC-nin baş direktoru Rəna Məmmədova iştirak ediblər. 

Daha ətraflı: https://www.taxes.gov.az/az/post/3298

20 мая Президент Азербайджанской Республики Ильхам Алиев принял делегацию во главе с председателем Сейма Латвии Дайгой Миериней. Об этом передает Caspian Energy Media со ссылкой на официальный сайт главы Азербайджанского государства.

Более подробно читайте на https://president.az/ru/articles/view/65908

Bakıda Azərbaycan-Tacikistan biznes forumu keçirilib.

Bu barədə Caspian Energy Media iqtisadiyyat nazirliyinə istinadən xəbər verir.

Bakıda təşkil edilən Azərbaycan-Tacikistan biznes forumunda ölkələrimizin biznes və investisiya mühiti barədə məlumat verilib, ikitərəfli sənədlər imzalanıb, B2B formatda görüşlər olub.

Daha ətraflı: https://www.economy.gov.az/az/post/2048/azerbaycan-tacikistan-biznes-forumu-kecirilib

Caspian Energy Media kənd təsərrüfatı nazirliyinə istinadən xəbər verir ki, İtaliyanın paytaxtı Roma şəhərində BMT-nin Ərzaq və Kənd Təsərrüfatı Təşkilatının (FAO) Avropa Regional Konfransının (ERC) 34-cü Sessiyası keçirilib. Tədbirdə 53 ölkədən dövlət qurumları, özəl sektor, beynəlxalq təşkilatların nümayəndələri və aqrar sahədə çalışan mütəxəssislər iştirak edib.

Qeyd edək ki, tədbir çərçivəsində Azərbaycan nümayəndə heyəti ilə Dünya Ərzaq Təhlükəsizliyi Komitəsinin (CFS) sədri Nosipho Jezile ilə görüş keçirilib. Görüşdə aqrar sahədə qabaqcıl təcrübələrin ölkəmizdə tətbiqi, əməkdaşlıq perspektivləri müzakirə olunub, qarşılıqlı maraq doğuran məsələlər barədə geniş fikir mübadiləsi aparılıb. 

Daha ətraflı: https://www.agro.gov.az/az/news/200520242

Caspian Energy Media gənclər və idman nazirliyinə istinadən xəbər verir ki, Azərbaycan paraatleti Səid Nəcəfzadə Yaponiyanın Kobe şəhərində keçirilən mundialın uzunluğa tullanma növündə qızıl medal qazanıb.

Qeyd edək ki, 25 yaşlı paraatlet ötən il Parisdə dünya çempionatının bürünc medalı qazanıb. O, həmçinin Tokio-2020 Yay Paralimpiya Oyunlarında da üçüncü yeri tutub.

Beynəlxalq Bitki Sağlamlığı Günü ilə bağlı Bakıda 21-22 may tarixlərində “Yaşıl dünya naminə” Bitki Sağlamlığı Forumu keçiriləcək.

Caspian Energy Media Qida Təhlükəsizliyi Agentliyinə istinadən xəbər verir ki, Azərbaycan Respublikası Qida Təhlükəsizliyi Agentliyinin və Kənd Təsərrüfatı Nazirliyinin birgə təşkilatçılığı ilə baş tutacaq tədbirdə bir sıra dövlət qurumlarının, xarici ölkələrin və beynəlxalq təşkilatların nümayəndələrinin, ekspertlərin iştirak etməsi nəzərdə tutulur.

Daha ətraflı: https://afsa.gov.az/az/xeberler/sabah-bakida-yasil-dunya-namine-bitki-saglamligi-forumu-oz-isine-baslayacaq

Caspian Energy Media “Azərbaycan İnvestisiya Şirkəti”nə istinadən xəbər verir ki, “Azərbaycan İnvestisiya Şirkəti” ASC, İsrailin “Granot International Agricultural Cooperative Society” LTD və “Agro Food Investments” MMC arasında ilkin mərhələdə 1000 hektarlıq zeytun bağının salınması və illik 4000 ton istehsal gücündə müasir zeytun yağı emalı zavodunun qurulmasına dair Anlaşma Memorandumu imzalanıb.

Layihə çərçivəsində 50-yə yaxın yeni iş yerinin yaradılması nəzərdə tutulur.

Caspian Energy Media Milli Hidrometeorologiya Xidmətinə istinadən xəbər verir ki, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Gecə və səhər bəzi yerlərdə zəif duman olacaq.

Havanın temperaturu gecə 11-15° isti, gündüz 19-24° isti olacaq.

Rayonlarda bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var.

Havanın temperaturu gecə 10-15° isti, gündüz 20-25° isti, dağlarda gecə 1° şaxtadan 3°-dək isti, gündüz 5-10° isti olacaq.