Qazaxıstanın Baş naziri Oljas Bektenov və Özbəkistanın Baş naziri Abdulla Aripov Səmərqənd şəhərində keçirilən IV “Özbəkistan – Qazaxıstan” Regionlararası Forumunda iştirak ediblər.
Forumda iki ölkə prezidentləri tərəfindən razılaşdırılmış ikitərəfli ticarət dövriyyəsinin artırılması ilə bağlı əldə olunan razılaşmaların icra vəziyyəti nəzərdən keçirilib. Sənaye kooperasiyası, su, enerji, tranzit-nəqliyyat sahələrində, həmçinin qaz sənayesində əməkdaşlıq məsələləri müzakirə olunub.
Bu barədə “Caspian Energy Media” Qazaxıstan Respublikası Hökumətinin Mətbuat Xidmətinə istinadən xəbər verir.
