Şuşada Azərbaycanın iqtisadiyyat naziri, Azərbaycan Respublikası Hökuməti və Birləşmiş Ərəb Əmirlikləri Hökuməti arasında iqtisadi, ticarət və texniki əməkdaşlıq üzrə Birgə Hökumətlərarası Komissiyanın həmsədri Mikayıl Cabbarov və BƏƏ-nin iqtisadiyyat naziri, Komissiyanın həmsədri Abdulla Bin Touq Al Marri arasında görüş keçirilib.
Caspian Energy Media İqtisadiyyat Nazirliyinə istinadən xəbər verir ki, görüşdə hər iki ölkənin dayanıqlı inkişafı istiqamətində iqtisadi-ticarət əlaqələrinin şaxələndirilməsi, investisiya yatırımlarının artırılması, "yaşıl enerji"yə keçidin təmin edilməsi sahəsində birgə təşəbbüslərin əhəmiyyətini qeyd edildi və COP29 çərçivəsində potensial əməkdaşlıq imkanlarını nəzərdən keçirildi.
