Beynəlxalq Standartlaşdırma Təşkilatının (ISO) təşəbbüsü və Azərbaycan Standartlaşdırma İnstitutunun təşkilatçılığı ilə inkişaf etməkdə olan ölkələrin milli standartlaşdırma qurumları üçün “Liderlik və İdarəetmə İnkişaf Proqramı” üzrə regional seminar keçirilir.
Caspian Energy Media Azərbaycan Standartlaşdırma İnstitutuna istinadən xəbər verir ki, tədbir ISO-nun strategiyası və qərar qəbuletmə prosesləri üzrə biliklərin təkmilləşdirilməsi, təşkilatın fəaliyyəti və strukturunda milli standartlaşdırma qurumlarının nümayəndələrinin iştirakının genişləndirilməsi məqsədilə təşkil edilib.
